הֱצִיקַתְנִי תְשׁוּקָתִי לְאֵל חָי
לְשַׁחֵר אֶת מְקוֹם כִּסְאוֹת מְשִׁיחָי
עֲדֵי כִּי לֹא נְטָשְׁתְנִי לְנַשֵּׁק
בְּנֵי בֵיתִי וְאֶת-רֵעַי וְאֶחָי
וְלֹא אֶבְכֶּה עֲלֵי פַרְדֵּס נְטַעְתִּיו
וְהִשְׁקִיתִיו וְהִצְלִיחוּ צְמָחָי
וְלֹא אֶזְכֹּר יְהוּדָה וַעְזַרְאֵל
שְׁנֵי פִרְחֵי יְקָר מִבְחַר פְּרָחָי
וְאֶת יִצְחָק אֲשֶׁר כַּבֵּן חֲשַׁבְתִּיו
יְבוּל שִׁמְשִׁי וְטוּב גֶּרֶשׁ יְרָחָי
וְכִמְעַט אֶשְׁכְּחָה בֵּית הַתְּפִלָּה
אֲשֶׁר הָיוּ בְמִדְרָשָׁיו מְנוּחָי
וְאֶשְׁכַּח תַּעֲנוּגֵי שַׁבְּתֹתַי
וְהַדְרַת מוֹעֲדַי וּכְבוֹד פְּסָחָי
וְאֶתֵּן אֶת כְּבוֹדִי לַאֲחֵרִים
וְאֶעְזֹב לַפְּסִילִים אֶת שְׁבָחָי
הֲמִירֹתִי בְּצֵל שִׂיחִים חֲדָרַי
וּבִמְשׂוּכַת סְבַךְ חֹסֶן בְּרִיחָי
וְנַפְשִׁי שָׂבְעָה רָאשֵׁי בְּשָׂמִים
וְרֵיחַ נַעֲצוּץ שַׂמְתִּי רְקָחָי
וְחַדַלְתִּי הֲלוֹךְ עַל כַּף וְעַל אַף
וְנָתַתִּי בְּלֵב יַמִּים אֳרָחָי
עֲדֵי אֶמְצָא הֲדוֹם רַגְלֵי אֱלֹהָי
וְשָׁמָּה אֶשְׁפְּכָה נַפְשִׁי וְשִׂיחָי
וְאֶסְתּוֹפֵף בְּהַר קָדְשׁוֹ, וְאַקְבִּיל
לְפִתְחֵי שַׁעֲרֵי שַׁחַק פְּתָחָי
וְאַפְרִיחַ בְּמֵי יַרְדֵּן נְרָדָי
וְאַשְׁלִיחַ בְּשִׁלֹחַ שְׁלָחָי
אֲדֹנָי לִּי וְאֵיךְ אִירָא וְאֶפְחַד
וּמַלְאַךְ רַחֲמָיו נֹשֵׂא שְׁלָחָי
אֲהַלֵּל אֶת שְׁמוֹ מִדֵּי חֲיוֹתִי
וְאוֹדֶנּוּ עֲדֵי נֶצַח נְצָחָי.